 |  |  | ||||
 | | | | | | |
Zomerconcert Houwerzijl 2009 Graag nodigen wij je uit voor het 6de zomerconcert in Houwerzijl, Hoofdstraat 1b. Op zondag 20 september ben je van harte welkom vanaf 13.00 uur, om 14.00 uur begint de voorstelling. Na afloop zijn er drankjes en hapjes.
Dit jaar nu eens geen klassieke muziek, maar een programma geheel gewijd aan het Groningse lied. Laat svp van te voren even weten of je komt! Het organisatiecommittee: In Houwerzijl: In Saaxumhuizen: Ien Grunnen gaait t meziek veurop! n Pergram over meziek ien Grunnen deur d’aiwen hìn Winfried Veenker, zang, accordeon, gitaar en kontra
Mokumer Ien Grunnen gaait t meziek veurop! Leugen of woarhaid? n Pergram over meziek ien Grunnen deur d’aiwen hìn Jan Sleumer, zang en tekst Ien Grunnen gaait t meziek veurop! Leugen of woarhaid? Aan t begun van onze wonderlieke raais deur meziek ien Grunnen, zingen wie n leugenlaidje. t Publiek kin dus ien t veuren waiten woar t aan tou is! “t Waas ien dij tied”, vertellen en zingen wie wieder. n Tekst oet de 13de-aiwse Hunzengoër Codex. t Gedicht verhoalt van de Vraize hulp aan de Frankische keuneg Karel de Grote, rond t joar 800. Wie moaken ien ons pergram even n spronkje van 13e aiw noar 17e aiw. t Oldste veurbeeld van n laid ien n “bovenlandsch” dialect, dat wie op ons pad tegenkommen bennen, is n laid van rondom 1650: ‘Starregesangh’. Psaalms werden ien 16e aiw, en loater ook voak, op wereldse zangwiezen zongen. Vandoar nog d’oetdrukken: n psaalm op ‘s laids wies, zo as Okke Kluun zong op zien gang noar t schevot. Zol Okke onder t rieden noar t schevot dij verzen oet psaalm 6 nou ien t Nederlands of ien t Grunnegers zongen hemmen? Wie doun t aalbaaid. Veur n dail kwam t Grunneger repertoire oet t Neder-Duuts. Hannekemaaiers en kiepkerels namen vanoet Duutsland heur Haimatlieder mit om soavends te zingen, zo as bevubbeld te lezen is ien n bouk van Sien Jensema: Berend Kopstubber Ien 19e aiw wer der ien ons gewest hail veul zongen; rond Nijjoar, Poaske, Sunnermeerten, op kermissen, bruloften en potverteerns. Wie brengen joe ook nog wat schiere scheldverskes. Volkslaidjes konnen mit grote omwegen ien Grunnen aankommen en hou dat goan kon, doar zellen wie joe n stuk of wat veurbeelden van heuren loaten. Ie kinnen t Groninger Volkslied van S.H. Oomkes ook alvast mit ons oefen. Dat laid beston allaank, veurdat Geert Teis oetkwam mit t ons bekende Grunnens Laid. Oomkes’ Groninger Volkslied waas ien t Hollands en doarom bennen der aal weer gonnent dij denken dat Oomkes’ laid t op nduur wel winnen zel van dat van Teis. En dat ie din nait meer zingen over ‘van Lauwerszee’, mor over ‘Gruno’s beemden’. Ien 20e aiw kwam der aal meer woarderen veur laidcultuur ien streektoalen. Ienvlouden op Grunneger meziek kwamen van aal wieder vot, bevubbeld oet t Fraanstoaleg kontraain en tegenworreg zulfs haildaal oet Cuba of Mexico. Ede Staal en streektoalgroepen as Normaal, Rowwen Hèze, de Kast en Törf hemmen der mit nkander veur zörgd, dat wie sikkom spreken kinnen van n renaissance van (meziek ien) streektoalen. Of is dat meer wìns as woarhaid? Omdat Ede Staal op veul plekken ien Grunnen woond het en van ale Grunneger toalvarianten wat mitpikte, wer Ede n schier veurbeeld van interregionoale toaloetwizzeln. Ons pergram wordt òfrond mit n laid, woarmit wie hom touproosten. Pergram: 1. n Wonderlieke raais (leugenlaidje)
2. “Thit was to there stunde”, oet 13de-aiwse Hunzengoër Codex
3. Starregesangh (rondom 1650)
4. Psaalm 6
5. De Burjung in de Frömm (rondom 1792)
6. Hans Vogelnust. De boerenzeun van Bellingwolde
7. De Nijsverteller (1823)
8. Foeke, foeke, rommelpot (rommelpotlaidje, rondom 1880)
9. Drink kovvie mit sokker (Oldambster zoaddörskerslaid)
10. Sunt Martines Bisschop (Sunnemeertenlaid)
11. Wie bennen gain Veendammers, wie doun mor zo (teerlaidje)
12. Vraauw Hoane (W. Veenker)
13. Roomse poepen, kokse keuzen (scheldverskes oet Oethoezen)
14. ‘Gronings Volkslied’ (S.R. Oomkens, 1838)
15. Knoalster Lorelei (G. Teis)
16. Mien slichte laand (J. Brel/D. Hartsema)
17. t Verrötte brugje (Diana Reyes/J. Sleumer)
18. Wie schenken ons nog ain ien (E. Staal) Mokumer Zundag 20 september : Houwerziel, privéfeest Zundag 4 oktober ; Café Eisseshof, Niehove, 15 uur Zundag 11 oktober ; Café Hammingh, Garnwerd 15 uur Mokumer Tenor Jan Sleumer volgde zangles bie Otto Ottens en Paul Hameleers. Veul orreghaid het e aan t zingen ien Koamerkoren. Mit t Ensemble Dutch Baltica het e verschaaiden tournees mitmoakt ien Europa en de U.S.A. Noast Paula Quint op luit, treedt e as zanger op ien Duo d’Egelantier. Winfried Veenker is muzikant van affeer. Hai het veul speuld op binnen- en boetenlandse podiums. Leste joaren kinnen ie hom ook heuren op brulofts- en aander feesten. Winfried speult mit ien t Trio Trabant, dat meziek brengt oet kontraainen dij ze Zuud-West Zigeunië nuimd hemmen. Ook speult en zingt e mit zien prachtege bariton ien Un Duo Particolare. Zien solo-programma mit n aigenzinnege selectie van Grunneger Chansons is ien veurberaaiden. Duur van pergrams: 2x 45 min, of körter noar gelang de vroag. Info en boekingen: Jan W. R. Sleumer Westlandgracht 205-III, 1059 TM Amsterdam. Tel. 020-6140840. jansleumer@kpnplanet.nl Winfried Veenker: Dijkstraat 62, 1011 GL Amsterdam. Tel. 020-6208685. cassata@xs4all.nl | ||
| | |
